Espace adhérent

قصيدة أحمد فؤاد نجم على مذبحة الأسكندرية Ahmad Fouad Najm PDF Print E-mail
User Rating: / 3
PoorBest 
Written by Ahmad Fouad Najm   
Wednesday, 05 January 2011 18:33

 

ينصر دينك يا بطل

قتلت ناس عُزًّل كتير

 ستات، شيوخ وكمان عيال

ازحت عنا خطر كبير

 

 دي ناس بتقول الله محبه

والمحبه دي شئ خطير

إقتل بطرس وإقتل مينا

اللي إخواتهم ماتوا في سينا

واللي ولادهم رقصوا فـي فرحك

واللي فـ ميّتم بيعزّينا

 

 إقتل ماري وطنط تريزا

دول ناس مافيهومشي ولا ميزه

دايمًا كده يبتسموا في وشك

ويقولوا اهلاً خطوه عزيزه

 

 وإقتل برضه عمّك حنا

في اي خناقه بيحوش عنّا

غاوي يصّلح بين الناس

ولا يمكن يوّرد على جنّه

 

وإقتل سامي ناجي نجيب

اصل الإسم صراحه مريب

يمكن يطلع واحد منهم

او داقق على إيده صليب

 

 ولا اقولّك...إضرب شبرا

والكيت كات وميدان الاوبرا

فجّر واحده في كل مكان

خلّي جيرانهم يصبحوا عبر

 

لينا رب إسمه الكريم

ها يجي يوم تعرض عليه

تقف امامه و يسأل الشخص ده عملك إيه؟

بأي ذنب تقتله

وفين ومين وإزاي وليه؟

 إبقى قول لي يا بطل

ها ترد يومها..

وتقول إيه؟.

 

Last Updated on Thursday, 15 January 2015 16:41
 

Promotion 1963

MLFcham Promotion 1963

Giverny - Mai 2004

MLFcham Giverny - Mai 2004

Athènes - Oct 08

MLFcham - Athènes - Octobre 2008

Promotion 1962

MLFcham Promotion 1962