Espace adhérent

Trois poèmes d'Osama Khalil PDF Print E-mail
User Rating: / 0
PoorBest 
Written by Osama Khalil   
Friday, 18 March 2011 18:11

Extraits du recueil de "Mes lettres d'Amour" 5ème édition juin 2009 paru au Scribe l'Harmattan

 

 

أصل الكلام

 

دنيا بارئها ربنا

 

قال كن فـكان

 

بحر وهوا

 

أرض وسما

 

لما ابتدى

 

بين نور ونار

 

خلق المكان

 

جوه الزمان

 

بالكلمة أصل الكون كلام

 

ماهو من بكانا ف مهدنا

 

حتى سكونا ف لحدنا

 

إن كنت إنت أو أنا

 

راح نعمل إيه من غير كلام

 

أصل الوجود بيته الكلام

 

 

 

هو اللي هو مش أنا

 

ولا إنت أوعى ده ربنا

 

 إسمه بيكتب إسمنا

 

ويقول كلام

 

مافهوش كلام

 

أصل اللي كان قبل الكلام

 

كان هو هو بدون كلام

 

ومع الكلام

 

بان اللي بان

 

مالأمر ماضي من زمان

 

والآتي كان

 

مكتوب على جبين اللي كاين واللي كان

 

أصل الوجود بيته الكلام
 
 
سِيدْنا ابراهيم

 

صحف ابراهيم

 

موسى وعيسى عندنا ف قرآن كريم

 

توصف لنا وتقول لنا

 

أجمل حكاوي الأولين بكلام مبين

 

الله حكيم كان له خليل

 

مالوش بنين إسمه ابراهيم

 

يحكي معاه من أور ف أرض الرافدين

 

ويزور كنانة أرضنا ويروح حدايق أورشليم

 

وف يوم سمع رب السما دعوى الخليل

 

من بعد ما فات ميت سنة .. جاب له اسماعيل

 

واسحاق ضحك وسط الهنا .. لكن اسماعيل

 

م الهجر ف البرية صاح بين الجراح

 

يشكي لرب العالمين

 

وصدى الصياح من مكة لاح دعوة صلاح للمؤمنين

 

مين هو مين سِيدنا ابراهيم

 

الإسم كلمة في كلمتين .. أب ورحيم

 

مين هما مين

 

إسحاق هناك وهنا اسماعيل

 

وان كان هناك ده أو هنا

 

وان كان ده جه قبله بسنة

 

دول كلمتين

 

والكلمتين من ربنا دول حكمتين

 

دول حبتين من سبحة فيها نبينا طه اليتيم

 

فيها عيسى كلمة ربنا

 

فيها الكليم فيها سليمان الحكيم

 

 

 

والكلمتين من ربنا دول رحمتين

 

دول حبتين من حبة نابتة بقلبنا

 

حبة محبة وحبة غالبة بالسماح ألم الجراح

 

علشان ف يوم يصبح صباح يجعل بساط الكون رباح

 

وبلال فوق المدنة يقول قال ربنا وقال الرسول

 

هاجر وسارة والبتول

 

دول بعدنا ف قلب الوجود

 

فوق العصور فوق الحدود

 

واحنا نقول دول أصلنا

 

واصلين مابين آدم وحوا ومين حاييجوا بعدنا

 

أصل اختلافنا وبعدنا .. فيه اجتماعنا وقربنا

 

على كلمة واحدة تؤمنا بيها بنعرف بعضنا

 

ونقول آمين .. يا مؤمنين

 

 

 

 

 

 

 

 

 

 

 

 

 

 

 

 

 

أنس الوجود

 

أَنس الوجود

 

طلب الخلود

 

وراح يكتب حديث الروح

 

على بردي

 

حورَس مَحْروس

 

بنى للشمس يوم هرمه

 

وراح يحسب خطوط  طوله وخطوط عرضه

 

على أرضه

 

ولما احتار وحار أمره

 

مابين ودعه وبين رمله

 

غمس قلمه ف مداد يمه

 

وراح يوصف خيال علمه

 

بين النهرين ف عز الليل

 

شهد فوق أورشليم نجمه

 

حمل قرابين دهب وميرون

 

ومُرّ وراح له يسجد له

 

ولما ف غار

 

بوادٍ غير ذي زرعٍ

 

عكف وحده

 

صبح صبحه

 

سمع أمره

 

وراح يقرى جديد وقديم

 

كتاب عهده   

 

حورس محروس ف عين شمسه

 

فرد جناحين

 

على السابقين وع اللاحقين

 

وراح يرسم سمات إسمه

 

واحد واتنين

 

تلات أقانيم

 

لا فيه قبله ولا بعده

 

تسع أسماء فوق التسعين

 

مالوش ثاني ولا مثله

 

نزل ف البحر شاف صورته

 

طلع ع البر شاف ظله

 

رفع هامته يمين وشمال

 

وكان وجهه ف كل مكان

 

وراح على نايه ينشد له

 

أنس الوجود ومين قده

 

إيزيس وفينوس على مهده

 

من حبهم مالوا وحبوا على خده

 

بلغ رشده

 

مابين حلمه وبين علمه

 

وراح يرسم على رسمهم رسمه

 

ومن حُبه زرع حَبه

 

ومن وجده روى ورده

 

بدمع العين وقام يحضن حبيب قلبه

 

أمانة ياناس على حلمه

 

أمانة ياناس على علمه

 

على حُبه وعلى حَبه

 

على وجده وعلى ورده

 

 

 



--
Osama Khalil
0699428765
0981620638
Site :
www.20six.fr/scribecosmopolite06

 

Last Updated on Friday, 18 March 2011 19:42
 

Promotion 1963

MLFcham Promotion 1963

Giverny - Mai 2004

MLFcham Giverny - Mai 2004

Athènes - Oct 08

MLFcham - Athènes - Octobre 2008

Promotion 1962

MLFcham Promotion 1962